Pormal na nga nagfile sang kaso subong nga Lunes, Abril 27, ang bana ni Vice President Sara Duterte nga si Atty. Manases Reyes Carpio sa Quezon City Prosecutor Office, batok sa mga myembro sang House justice committee, opisyal sang Bangko Sentral ng Pilipinas kag Anti-Money Laundering Council.
Particular sini nga ginpasakaan sang kaso amo sanday BSP Governor Eli Remolona Jr., AMLC Executive Director Ronel Buenaventura, mga miyembro sang House Justice Committee nga sanday Rep. Gerville Luistro, Percival Cendaña, Chel Diokno, kag Leila De Lima.
Hugot man nga ginpanginwala ni Carpio ang binilyon ka transactions base sa ginpresentar nga data sang AMLC.
Ini matapos nga ginbuyagyag nga rehistrado kay Sara Duterte kag sa iya mismo bank account nga may ara sila sang P6.7 billion bank transactions halin 2006 tubtob 2025 kasunod sang impeachment hearing sa bise presidente sang nagligad nga Abril 22.
