Gin-byahe na pauli sa ila puluy-an sa Purok Centro Itaas, Barangay Ilayang Dupay sa Lucena City, Quezon ang bangkay ni Wilma Tezcan, isa sa duha ka Pinay nga napatay bangud sa linog sa Turkey.
Gin-repatriate ang bangkay subong nga gab-i. Amay mismo ni Wilma ang nagsugata sa bangkay sa NAIA.
Isa ka domestic worker si Wilma sa Istanbul, apang nagbakasyon sa Antakya kaupod sa iya employer sang natabo ang linog. Kaupod man niya ang iya employer nga napatay sang nawas-ag ang building sa Antakya District sa Hatay.
Suno pa sa Philippine embassy in Turkey, nagapangayo pa sang consent ang pamilya sang isa ka Filipino fatality sa isa man ka Turk national nga bana sang biktima kaangot sa treatment sa bangkay.
Una na nga ginpahayag nga tumandok sang Buenavista,Guimaras ang isa sa mga biktima sa amo nga linog. ##
