Maga-umpisa na ang Bangladesh sa pagbakuna sa mga tawo batuk sa COVID-19 sa una nga semana sang Pebrero.
Suno kay Abul Bashar Mohammed Khurshid Alam, pinuno sang Directorate General of Health Services, ginalauman nga maabot na subong nga bulan sang Enero ang bakuna.
Nagpirma na sang Nobyembre sang nakaligad nga tuig pa lang ang Bangladesh sa Serum Institute of India para sa 30 million doses sang bakuna.
Una nga makabaton sang bakuna amo ang mga health workers kag sila ang i-monitor sa sulod sang pito ka adlaw.
Magluwas sa mga health workers, prayoridad man ang mga pulis sa pagahatagan sang COVID-19 vaccine.
Dugang pa sang natungdan, mabakal man ang Bangladesh sang 68 million doses sang bakuna sa GAVI vaccine alliance.
