Patas na ang serye (2-2) matapos nga ginpierde sang Barangay Ginebra San Miguel ang Meralco Bolts, 95-84, sa Game 4 sang PBA Governors’ Cup Finals sa Smart Araneta Coliseum.
Ginpangunahan nanday Justin Brownlee kag Scottie Thompson ang kadalag-an sang Barangay Ginebra paagi sa pag-score sang 27 puntos kada isa.
Nakadugang pa si Brownlee sang 18 rebounds kag seven assists.
Sanday LA Tenorio kag Chris Stanhardinger naman ang nagdugang sang 17 kag 11 markers.
Antes pa man nag-umpisa ang Game 4, sa PBA Governor’s Cup individual awards, ginpangalanan si Brownlee bilang Best Import kag si Thompson bilang Best Player of the Conference.
May tatlo ka adlaw nga break ang Meralco kag Ginebra antes ang sunod nga hampang.
Lauman ang Game 5 sang best-of-seven series sa Easter Sunday sa amo man gihapon nga venue.
