ILOILO CITY – Nagpaadam ang China nga ang Estados Unidos ang nagahalit sa regional peace kasunod sang bag-o nga deal sa Pilipinas may kaangtanan sa apat ka dugang nga bases nga gamiton sang Washington, lakip na ang malapit sa gina-awayan nga West Philippine Sea kag indi malayo nagikan sa Taiwan.
Suno kay foreign ministry spokeswoman Mao Ning, ang ini nga tikang ang magaresulta sa mas mataas nga military tension kag magahalit sa regional peace kag stability.
Ang Manila kag Washington ang naghisugot sang expand cooperation sa “strategic areas” sa Pilipinas sa tinutuyo nga mabatuan ang nagalala nga pagpang-atake sang Beijing sa self-governed Taiwan kag ang pagtukod sang China sang bases sa West Philippine Sea.
Ang 2014 Enhanced Defense Cooperation Agreement ang magahatag sang access sa pwersa sang Estados Unidos sa lima ka Philippine bases.
