Ginkwestyon ni Davao City Mayor Baste Duterte ang nangin lihok sang administrasyon sa idalom ni President Ferdinand Marcos Jr., nga i-target ukon arestuhon ang mga opisyal nga nagapanguna sa ginapahayag sini nga pag-expose sa korapsyon sa flood control projects.
Kasunod ini sang iya nga nangin mensahe sa PDP-Laban national assembly kahapon nga adlaw, Hulyo 25.
May kaangtanan ini sa pagka-aresto kay Senator Rodante Marcoleta sang nagligad nga Hulyo 6 bangud sa ginakabig sini nga panindugan sang senador nga padayunon ang imbestigasyon sa flood control projects sang Senate Blue Ribbon Committee.
Dugang pa niya, daw kaangay nga wala na sang “freedom” sa Pilipinas bangud sa pagpamahog sang presidente nga pagapasakaan ang mga ini sang kaso kaangay sang natabo sa nasambit nga senador.
Si Marcoleta ang nagapangatubang sang kaso nga plunder sa Sandiganbayan bangud sa undeclared campaign donations sini nga naglab-ot sa ₱75 million.
