Ginpuhag sang 6.0 magnitude nga linog ang Batuan, Masbate 2:10 subong nga kaagahon.
Suno sa Philippine Institute of Volcanology and Seismology (PHIVOLCS), tectonic in origin ini kag may kadalumon nga 10 kilometros.
Antes gin-athag nga 6.0 magnitude, una na nagpaguwa sang bulletin ang PHIVOLCS nga nagasaad nga yara sa 5.7 magnitude ang linog.
Sa Earthquake Information 2, yari ang reported intensities:
Intensity VII – City of Masbate, Masbate
Intensity V – Dimasalang, San Fernando, and Uson, Masbate
Intensity IV – City of Legazpi, Albay; Aroroy, Cataingan, Esperanza, Milagros, and Pio V. Corpuz, Masbate; Irosin, and City of Sorsogon, Sorsogon
Intensity III – Daraga, Albay
Nabatyagan man ini mangin sa Iloilo.
Nagpaandam ang PHIVOLCS nga posible matabo ang aftershocks.
Papatak 2:22 sang kaagahon, nasundan ini sang 4.1 magnitude nga linog sa amo man gihapon nga lokasyon. ##
