Ginbuyagyag sang aktres nga si Bela Padilla ang rason sang ila pagbulagay sang iya Swiss boyfriend nga si Norman Bay matapos ang apat ka tuig nga relasyon.
Suno kay Bela, ang desisyon niya nga magbalik sa Pilipinas amo ang rason sang break up.
Pahayag pa niya, gin-prangka niya mismo si Norman kun handa ini nga mag-upod sa iya sa Pilipinas apang nagpamalibad ang iya ex-boyfriend.
Dugang pa sang aktres, ginatahod niya ang desisyon sang iya ex-boyfriend bangud may yara ini sang maayo nga trabaho sa London.
Gin-ako man ni Bela nga nasakitan siya sa ila nga pagbulagay bangud tuman niya ini nga ginpalangga.
Apang sa pihak sang break up, nagapabilin nga ‘friends’ ang duha.
