Ginkumpirma ni Belarusian President Alexander Lukashenko nga nagmandu siya nga ipadala ang tropa halin sa Belarus nga magaupod sa pwersa sang Russia malapit sa Ukraine.
Kasunod ini sang iya ginpahayag nga maathag nga pamahog nga nabaton sang Belarus halin sa Kyiv kag sa backers sang Ukraine halin sa West.
Si Lukashenko amo ang lider sa Belarus halin sang 1994.
Ang iya pahayag ang nagapakita nga posible nga magsangkad pa ang away sa Ukraine ilabi na kun magtingob pwersa ang Russia kag Belarus sa north sang Ukraine.
Ginabanta nga may 60,000 nga nagabug-os sa army sang Belarus. Sini lang nga tuig, nag-deploy ang pungsod sang 6 battalion-tactical groups sa border areas. Matandaan nga gingamit sang Russian forces ang Belarus bilang staging post sa ila nga February 24 nga invasion sa Ukraine. ##
