Ginkilala sang Philippine Health Insurance Corporation (PhilHealth) Region-6 ang Bombo Radyo Iloilo bilang Most Valuable Partner para sa kategorya nga Radio Broadcast Media sa ginpatigayon nga Pasidungog 2025 subong nga adlaw, Oktubre 21.

Ang nasambit nga pagkilala ginbaton ni Bombo Phauline Pillora nga nagapasidungog sa mga institusyon nga padayon nga naga-suporta sa mga programa kag serbisyo sang PhilHealth sa rehiyon.

Suno sa PhilHealth Region-6, ang nasambit nga pasidungog isa ka pamaagi agud pasalamatan ang mga media partners nga nagasuporta kag nagabulig sa pagpalapnag sang impormasyon sa kampanya sang ahensya para sa kaluwasan sang pumuluyo ilabi na sa mga Ilonggo.