Mahimo na makagwa sa ila balay ang mga tawo sa Israel bisan wala sang suksok nga face mask.
Ini ang kabahin sang pagbalik sang pungsod sa normal nga sitwasyon sa bulig sang mass-vaccination batok sa COVID-19.
Sa subong 81% na sang mga residente ukon mga tawo nga nagaedad 16 anyos pasaka ang nakabaton na sang duha ka dose sang Pfizer/BioNTech vaccine sa Israel rason nga nagnubo naman ang numero sang mga tawo nga ginadala sa ospital.
Apisar sini, limitado sa gihapon ang pagpasulod sa mga foreigners.
Ginamanduan sa gihapon ang tanan nga Israelis nga magpaidalom sa self-isolation kun sila ang halin sa luwas sang pungsod.
Suno kay Prime Minister Benjamin Netanyahu, nagapanguna subong ang Israel sa tanan nga pungsod sa kalibutan kun pagtapna sang virus ang pagahambalan; apang indi ini rason agud magkumpyansa bangud posible pa nga magbalik ini.
