ILOILO – Magapatigayon sang libre nga seminar ukon information drive ang Bangko Sentral ng Pilipinas sa mga private establishments lakip man sa mga kabarangayan kag komunidad.
Sa interview sang Bombo Radyo kay Mr. Andrew Luwen Ligad, Public Information Officer sang Bangko Sentral ng Pilipinas-Iloilo iya ginpahayag nga mahimo makapadala sang sulat sa ila nga talatapan agud maka apply sang nasambit nga seminar,
Suno kay Ligad, ang libre nga seminar ang may katuyuan nga mabuligan ang mga pumuluyo nga ma edukar natuhoy sa serbisyo nga ginahatag sang BSP.
Ang nasambit nga information drive ang maga bulig man sa pumuluyo agud mahibaluan nila kun paano makalikaw nga mabiktima sang peke nga kwarta.
Ini ang kadungan sang nadata nga kaso sang paggamit sang peke nga kwarta.
Madumduman nga nadakpan ang isa ka lalaki sa Brgy. San Isidro Jaro, Iloilo City kun sa diin nakuha sa iya ang masobra sa P20,000 nga balor sang peke nga kwarta.
