Pilason ang kapin 15 ka mga pasahero matapos natumba ang isa ka de-pampasahero nga bus sa national highway sa Bilar, Bohol.
Ang naaksidente amo ang Southern Star bus nga padulong kuntani sa Tagbilaran City halin sa Carmen.
Ginpahayag nga nadulaan sang kontrol sa manibela ang driver samtang yara sa kurbadahon nga porsyon sang dalan.
Gilayon naman nga nagresponde ang Bilar Rescue Unit kag gindala ang mga pilason sa mga ospital sa Tagbilaran City.
Boluntaryo naman nga nagsungka sa Loboc Police Station ang bus driver nga si Jernel Alcantara.
Padayon pa ang imbestigasyon sang otoridad.
