ILOILO – Magapadayun ang byahe sang mga jeep sa syudad kag probinsya sang Iloilo.
Sa interview sang Bombo Radyo kay Mr. Rodjo Paguntalan, Presidente sang Iloilo City and Province Alliance of Jeepney operators and drivers association, iya ginpahayag nga padayun ang ila byahe para sa mga pasahero nga nagapauli nagikan sa nagkalain-lain nga lugar kadungan sang pagsaulog sang semana santa.
Suno kay Paguntalan ila ginatinguhaan nga tubtob sa bwas byernes santo ang byahe sang mga de pampasahero nga jeep.
Pahayag niya nga ila ginatinguhaan nga ma istorya ang mga lideres sang alliance agud kombinsihun nga padayun ang byahe para sa riding public apisar nga Byernes Santo.
