ILOILO CITY- Nangin madinalag-on ang ginpatigayon nga caravan kag simultaneous indignation rally sang pila ka mga organisasyon sa siyudad kag probinsya sang Iloilo bilang pagpakita sang pagkondenar sa Communist Party of the Philippines kadungan sang 51st founding anniversary sang grupo subong nga adlaw.
Ginpatigayon ang programa sa Iloilo Provincial Capitol sa pagpamuno sang Iloilo Police Provincial Office nga gintambungan sang pila ka mga organisasyon upod na ang Bureau of Jail Management and Penology nga gintiglawas ni Jail Supt. Gilbert Peremne, kag Philippine Coast Guard Iloilo nga gintiglawas ni Capt Erlinda Benliro.
Suno kay Pol. Col. Roland Vilela, ang director sang Iloilo Provincial Police Office, ang nasambit nga programa ang may katuyuan nga ipahibalo sa mga rebelde nga ang ila nga armed revolution ang indi sabat sa mga problema kag sa kawsa nga ila ginapakigbato.
Dugang pa ni Vilela, dako ang bulig sang publiko sa ila programa kontra insurhensya pinaagi sa pag deklarar sang New People’s Army bilang persona non grata.
Ginsabat naman ni Vilela ang pahayag sang Napoleon Tumagtang Command nga gina-harass sila sang NPA rason nga gin himo nila ang pag -ambush sa pihak sang cease fire.
Suno kay Vilela mnagapatigayon lang sila sang ila obligasyon bilang kapulisan.
Sa teritoryo naman nga ginapahayag sang New People’s Army, suno kay Vilela, sa sulod sang 5 ka dekada, wala gid sila sang gin-angkon nga teritoryo.
Nagpanawagan naman ini sa mga rebelde nga may yara man sang iban nga pamaagi agud ipakigbato ang ila nga mga kawsa.
Nakahanda naman ang gobyerno nga mag baton sa ila kung sila ang magbalik sa sabak sang gobyerno.
