Posible nga maglawig pa ang ginatawag nga “cat-and-mouse” situation sa Senado kasunod sang padayon nga tensyon sa tunga sang majority bloc nga ginapamunuan ni Senate President Alan Peter Cayetano kag sang minority nga ginapangunahan ni Minority Leader Vicente Sotto III.
Ini matapos nagbanggianay ang magkatuhay nga bahin kaangot sa mga isyu sa Senate rules kag iban pa nga procedural matters nga may direkta nga epekto sa dalagan sang mga deliberasyon sa upper chamber.
Sa interview sang Bombo Radyo kay Atty. Noel Palomado, iya ginpahayag nga mahimo nga magpadayon ang serye sang mga estratehiko nga tikang kag counter measures sang mayorya kag minorya samtang ginapakigbato san kada kampo ang ila nga posisyon sa mga isyu sa Senado.
Nagapanindugan naman ang minorya nga dapat mag-agi anay sa husto nga proseso kag komite ang mga ginaduso nga pagbag-o sa mga pagsulundan sang Senado bag-o ini dal-on sa plenaryo.
Bangud sini, ginalauman nga magapabilin nga mainit ang mga masunod nga sesyon sang Senado samtang padayon nga nagapangita sang suporta ang kada bahin para sa ila nga mga posisyon.
Sa subong, wala pa sang maathag nga indikasyon kun san-o mahitso ang tension sa Senado samtang nagahilapit ang trial batok kay Vice President Duterte.
