Naghatag na sang sabat si Sen. Alan Peter Cayetano sa madugay na nga ginasukot sa iya sang mga Pilipino nga P10,000 nga ayuda.
May kaangtanan ini sang United Package for Livelihoods, Industry, Food, and Transport (UPLIFT) program sang Marcos administration nga maghatag sang cash aid para sa mga imol nga apektado sang tension sa Middle East.
Suno sa senador, mismo nga si President Ferdinand Marcos Jr., ang indi pabor sa nasambit nga assistance para sa mga kwalipikado nga mga benepisyaryo nga apektado sang COVID-19 pandemic.
Sa iya Facebook livestream kahapon nga adlaw, ginpakigbahin ni Cayetano nga masarangan nga pondohan sang gobyerno ang ayuda bangud nagalab-ot sa P200 bilyon tubtob P400 bilyon ang gina-alokar kada tuig para lang sa nagkalain-lain nga ayuda sang gobyerno.
Nahibaluan nga nag-anunsyar si Department of Social Welfare and Development (DSWD) Secretary Rex Gatchalian nga pagasuguran na subong nga semana ang paghatag sang UPLIFT Assistance kun sa diin 7.5 million ka pamilya ang makabenepisyo.
