Magahatag ang Commission on Higher Education (CHED) sang bulig pinansyal para sa kapin 66,000 ka benepisyaryo nga estudyante sa Region 12 nga naapektuhan sang linog.
Suno pa sa Commission, ila na nga ginapadasig ang pagpaguwa sang P764 milyon nga bulig samtang padayon nga nagabangon ang rehiyon halin sa magnitude 7.8 nga linog nga nagluntad sa lugar.
Pahayag pa sang CHED nga ang pondo nga igapanghatag ang paagi sa programa nga Tertiary Education Subsidy (TES), kag makabenepisyo ini sa masobra 66, 000 ka estudyante sa Region 12 para sa second semester sang Academic year 2025–2026.
Suno pa sa CHED, kabahin ini sang padayon nga pagsuporta sa mga estudyante kag sa ila mga pamilya sa mga lugar nga naapektuhan sang linog, lakip na ang General Santos City kag ang mga probinsya sang Sarangani, South Cotabato, Davao Occidental, kag Davao del Sur.
Dugang pa sang CHED nga ang ini nga bulig kasunod man sa pagpanagtag sang P2.02 bilyon sa idalom sang Tertiary Education Subsidy kag Tulong Dunong Program sang Abril kag Mayo subong nga tuig.
