Gin-report sang Philippine Coast Guard (PCG) ang panibag-o nga insidente sang “close distance maneuvering” nga ginhimo sang Chinese Coast Guard (CCG) vessel sa West Philippine Sea.
Ang amo nga insidente ang ginapahayag naglimita sa hulag sang barko sang Pilipinas nga yara sa amo nga lugar.
Natabo ini nga insidente sang Marso 2 sang nagapatigayon ang PCG sang maritime patrol operations sa Scarborough Shoal, ukon sa Bajo de Masinloc.
Indi pa maathag kun nag-file na ang Pilipinas sang diplomatic protest kasunod sang insidente.
Suno sa press release, nagpalapit ang vessel sang China sa direksyon sang Philippine vessel nga BRP Malabrigo.
Ginabanta 19.2 meters lang ang kalayuon kag ginapahayag isa ka maathag nga paglapas sa 1972 International Regulations for Preventing Collisions at Sea (COLREGS).
Nagpangayo sang bulig ang PCG sa Department of Foreign Affairs (DFA) agud ma-address ang amo nga isyu.
