Nagpabutyag sang iya dako nga pagpasalamat ang Parokya ni Edgar frontman nga si Chito Miranda matapos nga na-dismiss ang kaso ginapangatubang sang asawa nga si Neri Naig-Miranda.
Kahapon sang ginmando sang Pasay City RTC Branch 112 ang dismissal sang syndicated estafa complaint batok kay Neri.
Matandaan nga sang 2024 sang gin-aresto ang aktres may kaangtanan sa kaso nga estafa kag alleged violation sang Securities Regulation Code.
Suno kay Miranda, wala gid ginpabay-an sang Diyos ang iya asawa kag madamo man nga mga tawo ang nagsuporta samtang ginapangatubang ang kaso.
Dugang ni Chito,nahibaluan sang mga tawo nga kilala ang iya asawa kun ano ini kaayo kag masaligan magluwas pa nga isa ini ka hardworking nga iloy.
