Posible suno kay President Ferdinand “Bongbong” Marcos Jr. nga ibutang sa mga pwesto sa gobyerno ang iban sa mga kandidato nga nalutos sa 2025 elections kasunod sang pagtakop naman sang isa ka tuig nga appointment ban.
Suno kay Marcos, madamo man anay sa mga kandidato ang maayo.
“Possible. Nag-lapse na ang one-year ban for candidates who did not make it to the election. Marami namang magagaling diyan,” suno kay Marcos.
Gindugang sini nga ginalantaw sang gobyerno nga i-tap ang kuwalipikado nga mga indibidwal nga nagdalagan sang 2025 elections apang nalutos. Pahayag sang presidente, kinahanglan sa serbisyo sang gobyerno ang mga “capable people.”
“Don’t be surprised if we get more appointments from those candidates who ran in the last elections who did not make it. Sayang naman. We have to get the best talent that we can. That is a natural progression,” suno sa iya.
Nahibaluan nga sa idalom sang Konstitusyon, ginadumilian nga ma-appoint sa government positions ang mga tawo nga nalutos sa eleksyon sa sulod sang isa ka tuig matapos ang piniliay.
Sini lang nga semana, si former Senator Francis Tolentino nga nalutos sa 2025 senatorial elections ang gin-appoint na ni Marcos bilang acting Secretary sang Department of Labor and Employment (DOLE) bulos kay former Sec. Bienvenido Laguesma nga nagpanaog sa pwesto bangud sa health reasons.#
