Nagpaandam ang mga opisyal sa eastern region sang Donetsk nga posible magkalamatay ang mga tawo sa Ukraine bangud sa tuman nga katugnaw subong nga winter kag bangud sa padayon nga pagpang-atake sang Russia sa power supplies.
Ginpahayag ni Donetsk Governor Pavlo Kyrylenko nga ginahimo sang gobyerno ang tanan agud nga makahatag sang kahoy kag stoves sa mga residente subong nga wala sang kuryente, gas, ukon tubig sa sub-zero temperatures.
May yara man sang special hubs ukon “points of invincibility” nga naga-provide sang source of electricity kag kainit sa mga areas kun sa diin nagapadayon pa ang inaway batok sa Russian forces.
Kun magpadayon ang pagpamomba sang Russia, ginapahayag nga mabudlay man ang pagkay-o sang critical infrastructure sa Ukraine.
Bangud sini suno sa gobernador, nagakahangawa ang mga opisyal nga bangud wala sang init, may risgo nga mapatay ang mga tawo bangud sa hypothermia.
Magluwas diri, wala man sang lauman nga Christmas ceasefire sa Ukraine matapos ang 10 ka bulan nga invasion.
Ginapahayag nga wala sang istoryahanay sa tunga sang Russia kag Ukraine nga tapuson na ang pag-ilinaway.
