ILOILO –
Naglab-ot na sa 90% ang nahawanan sang Oplan Hawan team, duha ka adlaw bag-o matapos ang plaso ngA ginhatag ni Presidente Rodrigo Duterte.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga ang 90% ang ginalakipan sang national kag city roads apang wala pa nalakip ang barangay roads.
Suno kay Conlu, nagpaguwa sang memorandum si Iloilo City Mayor Jerry Treñas nga nagamandu sa barangay officials nga mapasa sang report sa mayor’s office kag Department of Interior and Local Government tuhoy sa clearing operations nga ginpatigayon sa ila tagsa ka lugar
Ginpasigurado man ni Conlu nga magapadayon sa gihapon ang clearing operations apisar natapos na ang 60 ka adlaw nga ginhatag sang presidente.
Dugang sang natungdan, ila nga balikan ang mga dalan nga na hawanan agud siguraduhon nga wala na nagbalik ang mga
sablag sa dalan.
