ILOILO – Nagpanugyan sa publiko ang Commission on Elections (Comelec) sang probinsya sang Iloilo may kaangtanan sa malapnagon nga vote buying sa tion sang eleksyon.
Sa interview sang Bombo Radyo kay Atty. Roberto Salazar, provincial Comelec supervisor sang provincial Comelec, iya ginpahayag nga hugot nga ginadumilian ang pagpamakal sang boto ukon donasyon man sa idalom sang Omnibus Election Code.
Suno kay Salazar, kun may yara sang vote buying, mas maayo nga kuhaan ini sang picture aud nga ma dokumento bilang ebidensya.
Gilayon nga i-report kag ihatag ang ebidensya sa Comelec agud nga ma-aksyonan ang nasambit nga reklamo pinaagi sa pagpatawag sa involve nga tawo sa vote buying.
