Nagpagwa sang subpoena ang House Committee on Justice sa National Bureau of Investigation (NBI) agud makuha ang mga rekord nga may kahilabtanan sa ginpahayag nga pagpamahog ni Vice President Sara Duterte kay President Ferdinand Marcos Jr., First Lady Liza Araneta-Marcos, kag sa anay Speaker Ferdinand Martin G. Romualdez.
Ginpangunahan ini ni Justice panel chairman kag Batangas Rep. Gerville “Jinky Bitrics” Luistro kasunod sang pormal nga pagsugod sang hearing sa mga impeachment complaints batok kay Duterte.
Ang tuyo sang amo nga hearing amo ang paghibalo kun may yara sang nagakaigo nga basehan agud pasakaon ang kaso sa Senado para sa trial.
Ginplastar ni Luistro ang mosyon sa komite kag gin-aprubahan ini nga wala sang pagpamatok.
Ginamanduan sang subpoena ang NBI nga ipasa ang mga sertipikado nga kopya sang tanan nga materyales halin sa ila nga imbestigasyon, nga repasuhon sang mga mamalidha bilang kabahin sang pagtipon sang ebidensya.
Nauna na nga gintumod sang komite nga sufficient in form kag substance ang duha ka reklamo nga impeachment batok kay Duterte, kag gintugutan sini nga magpadayon ang hearing bisan panahon yara sa recess ang Kongreso.
Sa karon, ginatutukan pa lang sang komite kun may ara ini sang probable cause, samtang ang Senado amo ang magaserbi bilang impeachment court kon padayunon ang trial.
