Nagtaliwan na sa edad nga 74-anyos si Cavite 4th District Representative Elpidio “Pidi” Barzaga Jr.
Ginbawian ini sang kabuhi samtang yara sa California sa United States Sabado sang hapon oras sa Pilipinas.
Matandaan nga sang Oktubre, gin-anunsyo sang mamalidha nga natalana ini nga magpaidalom sa open-heart surgery sa Amerika.
Sunod-sunod naman nga mensahe sang simpatiya kag kasubo ang ginpalab-ot sang iban nga mga mamalidha para sa pamilya ni Barzaga ilabi na sa iya asawa nga si Dasmariñas City Mayor Jenny Barzaga kag iya mga anak nga sanday Kiko, Third, kag Enzo.
Ang nasambit nga kongresista amo anay ang presidente sang National Unity Party.
Siya man ang chairperson sang House natural resources committee sa 19th Congress, kag nakapungko man bilang vice chairperson sa apat ka iban pa nga mga komitiba nga amo ang cooperatives development, games and amusement, legislative franchises, kag suffrage and electoral reforms.
