ILOILO CITY – Padayon ang contact tracing sa mga naka-angkon sang close contact sa 28 anyos nga babayi sang Jaro, Iloilo City nga nagdugang sa listahan sang Coronavirus Disease 2019 (COVID-19) sa Western Visayas.
Sa interview sang Bombo Radyo kay Iloilo CIty Mayor Jerry Treñas, iya ginpahayag nga isa ka medical professional ang nasambit nga pasyente samtang ginahulat na lang niya ang abiso sang Department of Health may kaangtanan sa pag transport sa mga pasyente sa Western Visayas Sanitarium.
Suno kay Treñas, katungdanan na sang Overseas Workers Welfare Administration ang pagpanagtag sang pagkaon sa repatriates apang ang problema lang amo nga daw kaangay nga wala sang koordinasyon ang nasambit nga ahensya sa pamunuan sang hotel.
Gin-ako man sang alkalde nga kasubong nga napilitan siya nga magbaton sa repatriates bangud sa nangin desisyon sang Overseas Workers Welfare Administration nga wala naplastar sang maayo.
Kun tani suno sa alkalde, nakig-angot sa Local Government Unit ang nasambit nga ahensya antes pa man ginpatigayon ang repatriation.
