ILOILO CITY- Ginsaway ni Iloilo City Councilor Romel Duron si Councilor Johnny Young bangud wala ini nakahatag sang kopya sang iya proposed ordinance sa opisina sang iban nga mga konsehal bag-o ipresentar sa konseho.
Sa natabo sa Iloilo City Council, una na nga nagmuno si Councilor Sedfrey Cabaluna sa penalty clause nga dapat istoryahan.
Apang sang nagpangitaay na sang kopya sang proposed ordinance halin sa talatapan sang konsehal, nagpahayag si Councilor Cabaluna nga wala ini sang may nabaton.
Nagsabat gilayon si Councilor Young nga padal- an lang niya ang opisina ni Cabaluna.
Diri kag naghambal si Duron nga dapat nakahatag ang kampo ni Young sang hard copy sang ordinansa 24 oras antes makalab-ot sa konseho.
Suno kay Duron,ginlapas sang konsehal ang ila internal rules angot sa pag-provide sang hard copy sang proposed ordinance.
Gin- defer naman ni Councilor young ang pagpasar sa second reading sang proposed ordinance sini.
