ILOILO CITY – Gin-require nga magtambong sa imbestigasyon sang Senate blue ribbon committee si Agriculture Senior Undersecretary Domingo Panganiban kag Sugar Regulatory Administration officials may kaangtanan sa gina-alegar nga “state-sponsored” sugar smuggling.
Nakadepende naman sa mabaton nga position papers kun patambungon man si Executive Secretary Lucas Bersamin.
Suno kay Blue Ribbon panel chairperson Senator Francis Tolentino, gin-isol ang shedule sang imbestigasyon bangud nga may yara sang mga developments sa appointments sa Sugar Regulatory Administration officials kag si Panganiban ang yara sa gwa sang pungsod.
Una na nga nag-file sang Senate Resolution 497 si Senate Deputy Minority Leader Risa Hontiveros nga nagapanawagan sang imbestigasyon sang Blue Ribbon committee sa gina-alegar nga irregular sugar importation sang nagligad nga Pebreo 9 nga ginkaulamiran sang 260 ka 20-foot containers sang kalamay nagikan sa Thailand.
Suno kay Hontiveros, ang shipments sang Pebrero 9 ang indi covered sang Sugar Order No. 6 bangud nga ang allocation sini ang magasugod pa sa Pebrero 24.
Ini ang indi man sakup sang una nga mga orders bangud nga ang arrival date ang maabot sa Marso 1.
Ginkwestiyon man ni Hontiveros ang gina-alegar nga pagpabor ni Panganiban sa pila ka mga sugar importers nga suno sa iya, nagabaton sang binilyon ka pesos nagikan sa sugar importation.
Sang Agosto sang nagligad nga tuig, nagpatigayon man sang imbestigasyon ang Senate blue ribbon committee sa gin-isyu nga Sugar Order No. 4 nga nagpahanugot sa pag-import sang 300,000 metric tons sang kalamay.
Gin-recommend sang panel ang pagpasaka sang administrative kag criminal charges batuk sa Agriculture official kag tatlo ka anay Sugar Regulatory Administration officials.
