Determinado ang pulis kag militar nga indi makalusot ang iban pa nga mga suspek nga nagpatay kay Negros Oriental Governor Roel Degamo.
Una na nga ginpahayag sang kapulisan nga ginapatihan masobra 10 ka tawo ang naghimbon sa pagpatay sa gobernador. Sa sini nga mga suspek, apat pa lang ang naaresto.
Suno kay PNP Spokesperson Pol. Col. Jean Fajardo, nagapati ang Special Joint Task Force-Negros nga yara pa mismo sa Negros Oriental ang perpetrators, apang indi limitado diri ang operasyon sang pulis kag militar.
Ginabantayan na subong mangin ang kaiping nga mga lugar.
Una na nga ginpahayag ni BGen. Marion Sison, commander sang 3rd Infantry Division kag head sang Special Joint Task Force Negros, nga lagson sang otoridad ang tanan nga private armed groups nga posible konektado sa krimen. ##
