Nagnubo ang numero sang dengue cases halin Enero tubtob Mayo subong nga tuig kun ini amo ang ikumparar sa kaangay nga bulan sang 2025 suno sa Department of Health (DOH).
Suno sa ahensya, 56% gid ang nabuhin subong nga 2026 kun sa diin 50,727 dengue cases ang narecord, samtang 114,308 naman sang 2025.
Ginpakigbahin sang DOH nga nangin dako gid nga bulig ang community cleanup drive agud nga mabuhinan ang kaso sang Dengue sa bilog nga pungsod ilabi na ang pag-obserbar sang publiko sang “4Ts” nga nagakahulugan nga “Taob, Taktak, Tuyo, at Takip.”
Liwat man nga nagpahanumdom ang ahensya nga gilayon nga magpalantaw sa medical experts sa tion nga may ara sang ma-eksperyensyahan nga sintomas sang Dengue kaangay sang hilanat, pagsuka, sakit sa tyan, sa kalawasan, sa mata, nosebleeding, kag iban pa nga mga sintomas.
.){kind=link}