ILOILO – Ginpatigayon ang pinakaulihi nga adlaw sang evaluation kag validation sa Oplan Hawan sa kabanwahanan sa probinsya sang Iloilo.
Sa interview sang Bombo Radyo kay Teodora Sumagaysay, Provincial Director sang Department of Interior and Local Government, iya ginpahayag nga naglab-ot sa 90% ang gin evaluate sang validation team kun sa diin nagapanguna ang Passi City nga ginhatagan sang more than satisfactory nga grado.
Suno kay Sumagaysay, pagkatapos mabaton ang tanan nga assessment reports sang validation team, igahatag ini sa sa regional office kag central office sang ahensya.
Dugang pa sang natungdan, nagpatigayon man sila sang inspection sa mga banwa ilabi na ang mga first kag second class municipalities.
