ILOILO CITY – Ginatun-an na sang Department of Justice kun legal ang pagpasugot sang temporaryo nga pagtinir sang Afghan nationals sa Pilipinas.
Suno kay Justice spokesman Mico Clavano, ang request sang Estados Unidos nga pasugtan ang pagsulod sang mga foreigners sa pungsod ang ginapaidalom pa sa nagakaigo nga pagtuon.
Nahibaluan nga naghingyo ang Estados Unidos nga temporaryo nga patiniron ang Afghanistan refugees sa pungsod samtang nga ginaproseso ang ila nga special immigration visa.
Una na nga ginpahayag ni Philippine Ambassador to the United States Jose Manuel Romualdez nga ang sabat sang Pilipinas sa request sang Estados Unidos ang posible nga maggwa sa Hulyo 15.
Samtang, ginpahayag naman ni Defense Secretary Gilbert “Gibo” Teodoro Jr. nga nagahulat pa sila sang opinyon nagikan Department of Justice.
