ILOILO CITY – Naghatag sang nagkalain-lain nga rason ang Department of Justice (DOJ) kag ang Philippine National Police (PNP) angut sa pagpugong sang mga nagtuyo nga magbisita sa napreso nga si Senator Leila de Lima sa iya kaadlawan sang Sabado.
Una na nga ginpahayag ni DOJ spokesperson Mico Clavano nga kinahanglan ang court order sa pagbisita kay De Lima.
Suno kay Clavano, bangud nga ang kaso ang yara sa korte, kinahanglan ang isa ka court order sa pagbisita.
Ginhalimbawa pa sini ang natabo sa kanday US Senator Markey kun sa diin, wala sila ginpahanugutan nga magbisita kay De Lima apang nahatagan sila sang approval matapos nga nag-file sang motion.
Nagasunod gid lamang suno sa iya ang PNP.
Apang baliskad ini sa statement sang PNP kun sa diin, wala natumod ang kakulang sang court order sa indi pagpahanugot sa mga bisita apisar nga gin-refer sa isa ka provision sa amo nga circular nga nagasiling nga ang pagbisita sa persons under PNP custody (PUPC) ang mahimo gid lamang sa tion nga maka-submit sang written request at least pulo ka working days antes ang pagbisita subject sa approval sang PNP Chief para sa mga foreign requests kag Regional Director para sa mga local requests.
Suno kay Police Colonel Mark Pespes, director sang PNP-Headquarters Support Service, aminado ang Senadora nga ang request niya ang wala nagsanto sa required number of days nga nakabutang sa memo apang ginhimo sang PNP Headquarters and Support Service ang tanan agud nga mahatag ang request apang wala gid nakalagas sa approval.
Dugang pa niya, base man sa pagpaathag nila sa Custodial authorities, wala sila naka-comply sang temprano bangud nagahulat pa sila sang confirmation form nagikan sa iban nga mga bisita.
Sa ila pag-intindi, mabaton na ang pagpasa sang isa gid lamang ka kumpleto nga listahan sang mga bisita kag kapin pa, masako sila sa pagpanghanda sa pag-abot sang US Congressional Delegation nga una nga gin-schedule sang Agosto 18 apang na-isol sa Agosto 19.
Gina-recognize nila ang butang nga pag-approve sang mga requests kaangat sini ang yara na sa discretion sa bahin sang PNP Chief ukon sang iban nga opisyal sang PNP official nga may otoridad.
Nagalaum naman sila nga makahatag man sila sang appoval apisar nga wala nasunod ang 10-day requirement.
Sunao namaan kay De Lima, indi na kinahanglan ang court approval sa idalom sang PNP guidelines.
Apang suno kay DOJ spokesperson Clavano, gin-offer ni Justice Secretary Jesus Crispin “Boying” Remulla sa US congressional delegation ang “alternative” nga magkuha sang court order agud nga mas mapadasig sa baylo nga magsunod sa 10-day request period sang PNP.
Ang ini nga option ang applicable man sa iban nga mga bisita nga gusto nga magkadto sa iban nga PNP detainees.
