ILOILO CITY – Maga-file sang isa pa ka proscription case ang Department of Justice nga nagadeklarar sang Communist Party of the Philippines kag New People’s Army bilang terorista grupo sa idalom sang Anti-Terrorism Act of 2020.
Suno kay Secretary Jesus Crispin “Boying” Remulla, ang layi nga ginbasehan sa pag-file sang kaso ang gin-repeal na sang Republic Act No. 11479.
Ginpasaka sang ahensya ang proscription case sa idalom sang Section 17 sang Human Security Act of 2007 nga sa subong, gin-islan na sang Anti-Terrorism Act.
Santo diri, ang proscription proceedings ang dapat nga kaptan sang Court of Appeals.
Sang Huwebes, nagpagwa sang ruling ang Manila court nga nagabasura sang petisyon sang gobyerno nga ideklarar ang Communist Party of the Philippines (CPP) kag ang armed wing sini nga New People’s Army (NPA) bilang isa ka terrorist organization.
Samtang, ginarespeto sang National Security Council ang desisyon sang Manila Regional Trial Court nga i-dismiss ang petition sang Department of Justice agud nga tawgon bilang isa ka terorista nga organisasyon ang Communist Party of the Philippines.
Ini ang suno kay Negros Occidental Representative Mercedes Alvarez nga amo ang sponsor sang proposed P343-million budget sang council sa ginpatigayon nga plenary deliberations sa House of Representatives sa ginaduso nga P5.3-trillion General Appropriations Bill for 2023.
Kasunod ini sang pamangkot ni House Deputy Minority Leader France Castro sa reaksyon sang council sa ruling sang korte.
Nagpanindugan man si Alvarez nga wala naga-engage sa red-tagging ang gobyerno.
