ILOILO CITY – Ginpasiraduhan sang Department of the Interior and Local Government ang isa ka Philippine Offshore Gaming Operators establishment sa Pampanga kag na-rescue ang ginabanta 43 ka foreign nationals nga gina-alegar nga konektado sa human trafficking.
Kasunod sang asud-asud nga mga raids, permanente nga ginpasiraduhan nanday Interior Secretary Benjur Abalos kag sang mga opisyal sang Philippine National Police Anti-Kidnapping Group ang Lucky 99 Outsourcing Inc. offices nga nahamtang sa Fil-Am Friendship Hi-Way sa Angeles City, Pampanga.
Suno kay Abalos, ang raid ang nagresulta sa pag-rescue sang mga foreign nationals nga ginpangdala sa establishment.
Dugang pa niya, ang kapulisan ang padayon nga mag-apprehen sang mga indibidwal nga imbolbado sa kaangay nga illegal activities bilang kabahin sang intensified crackdown sa offshore gaming nga konektado man sa human trafficking.
Ang ahensya ang nagpangayo sang bulig nagikan sa Philippine Amusement and Gaming Corporation kag Securities and Exchange Commission sa pagpatigayon sang madalom nga imbestigasyon sa amo nga isyu.
Nagpangayo man sang bulig ang ahensya nagikan sa Bureau of Immigration agud chekyaron ang mga visa sang mga na-rescue nga foreign nationals.
Gin-enganyo man ni Abalos ang public nga i-report ang kaangay nga illegal activities sa ila tagsa ka lugar.
Kung madumduman, sang 2019, nagpaandam ang Department of Finance nga ipasarado ang mga Philippine Offshore Gaming Operators nga wala nagabayad sang buwis kag may uncollected withholding income taxes nga naglab-ot sa P21.62 billion.
Madamo naman sang offshore gaming ang natigayon na nga napasiraduhan.
