Ginaduso subong sang Department of Education nga himuon “core subject” sa mga eskwelahan ang Good Manners and Right Conduct kasunod sang pagdamo sang insidente sang bullying.
Sa datos sang Department of Education Child Protection sang 2016 tubtob 2017 nagdangat sa halos 22,000 ang narekord nga kaso sang bullying lakip na ang pisikal nga pagpangsakit.
Aminado man ang ahensiya nga nadamo na ang narekord nga insidente bangud sa madali nalang madokumento ang mga insidente bangud sa makabag-o nga teknolohiya.
Suno kay Anna Sevilla, tagapamaba sang Department of Education gina imbestigahan na nila ang pila ka insidente nga nagalapta sa social media sang damlag lang sa diin pisikal nga nagasakitanay ang mga pamatan-on.
Mahimo sila nga ma-suspend ukon ipaidalom sa exclusion ukon expulsion.
Dugang sang natungdan, nagakadapat nga seryusuhon ang responsibilidad sang parent’s and teachers association agud mabantayan ang kaso sang bullying sa eskwelahan.
