Naka-record ang Department of Education (DepEd) sang masobra 260,000 ka mga kaso sang physical bullying sa mga eskwelahan sa pungsod sa sulod lamang sang isa ka tuig.
Sang 2021-2022 suno sa report sang ahensya, kabug-usan nga 264,668 ka kaso sang physical bullying ang na-file; 7,758 cases sang cyberbullying, 7,800 sang gender-based bullying, kag 17,258 cases sang social bullying.
Bisan amo na sini kataas kag makaalarma ang numero, ginapatihan nga mas madamo ang wala pa gihapon na-report.
Nag-launch naman ang DepEd sang helpline agud ma-report sang mga estudyante ang mga pagpang-abuso kag agud nga mahatagan sang focus ang mental health sang mga estudyante. ##
