ILOILO CITY – Nagpangayo na sang executive clemency ang Department of Foreign Affairs (DFA) para kay Mary Jane Veloso, ang Filipino worker nga na-sentensyahan kag yara na sa death row bangud sa illegal drugs smuggling.
Suno sa impormasyon nagikan sa DFA, ginpahayag nga si Foreign Affairs Secretary Enrique Manalo ang nagpakigkita sa counterpart nga si Indonesian Foreign Minister Retno Marsudi sa Jakarta sa paglaum nga makakuha sang executive clemency para kay Veloso.
Ini ang ginkumpirma man ni Press Secretary Trixie Cruz-Angeles.
Suno pa kay Criz-Angeles, padayon ang paghatag sang consular services sang embahada kay Veloso.
Dugang pa ni Cruz-Angeles, maayo ang kahimtangan ni Veloso sa Wonosari Women’s Penitentiary sa Yogyakarta.
Humalin sang gin-aresto ini bangud sang drug trafficking sang 2010, si Veloso ang padayon nga na-preso sa Indonesia.
Apang siya mangin ang iya pamilya ang nagapanindugan nga inosente siya kag ginabasol sa recruiter ang presenysa sang iligal nga droga sa iya luggage sang siya ang nagsulod sa Indonesia.
Suno sa DFA, ginpahayag ni Marsudi kay Enrique nga ang Indonesian foreign affairs ang magakonsulta sa Ministry of Justice sa kaso ni Veloso.
Indi pa klaro kun ano ang himuon sang administrasyon ni President Ferdinand Marcos Jr. kag wala man ini gina-mention sang presidente nga na-istoryahan nila ni Widodo.
