ILOILO CITY- Ginplastar sang Department of the Interior and Local Government Region 6 ang katungdanan sini sa tion sang kalamidad.
Ini matapos naglaslas ang Bagyo Betty sa diin ang nasambit nga ahensya ang ginakabig nga may importante nga papel bangud ini ang naga-disseminate sang instruction kag standards, kag nagapatuman sang programa kag proyekto agud mapreparar ang mga local government units sa mga man-made kag natural disasters.
Sa interview sang Bombo Radyo kay Christian Nagaynay, Division Chief sang Local Capability Development Division sang Department of the Interior and Local Government Region 6, iya ginpahayag nga ang ahensya ang may papel bilang Vice Chairperson para sa disaster preparedness nga nakasaad sa Republic Act 10121 ukon Disaster Risk Reduction and Management Act of 2010.
Suno kay Nagaynay, ginasiguro sang ahensya nga preparado ang mga local government units sa diin ang mga ini ang may yara sang plano sa idalom sang comprehensive development plan.
Diri nagatutok ang Department of the Interior ang Local Government sa paghatag sang assistance kag maga-assess sang mga units nga vulnerable kag susceptible sa mga hazards.
Ginpahayag dugang sang natungdan nga sa tion sang kalamidad, may yara sang preparedness action ang ahensya paagi sa monitoring sa mga local chief executives nga nagakadapat yara sa ila tagsa ka area of responsibility.
