ILOILO CITY- Posible na madayon ang pagpabalik sang direct flight sa Hongkong kag Singapore via Iloilo and vice versa sa masunod nga tuig.
Ini ang nangin kompirmasyon sang Cebu Pacific kay Mayor Jerry Treñas kasunod sang panawagan sang alkalde sa mga airline companies.
Sa interview sang Bombo Radyo kay Mayor Treñas, iya ginpahayag nga indi lang Cebu Pacific ang nagaplano sa pagpabalik sang amo nga direct flights.
Suno kay Treñas, ginatun-an man sang Tiger Airways ang pagtanyag sang amo nga ruta.
Sa pagpangusisa naman sang alkalde sa rason sa delayed nga mga flights, ginsabat ini sang mga airline companies nga bangud ini sa pila ka lightning alerts nga ginapapanaog kag ang congested runways sa Ninoy Aquino International Airport.
Nagalaom naman ang ang alkalde nga makapanumdom ang Department of Transportation sa mga proposal sang mga dalagko nga kompaniya sa pagpakaayo sang mga airports kag runways.
