ILOILO CITY – Nahisugtan sang Department of Health kag iban pa nga mga ahensya sang gobyerno nga ipahamtang sa Western Visayas Sanitarium sa Sta. Barbara, Iloilo ang mga Person’s Under Investigation sa syudad sang Iloilo
Suno kay Dr. Marlyn Convocar, direktor sang Department of Health 6, sa tion nga maglala ang sitwasyon sang mga Persons Under Investigation, gilayon sila nga pagadal-on sa West Visayas State University Medical Center kag Western Visayas Medical Center nga ginpili sang Department of Health.
Ginpahayag ni Convocar nga kun may yara sang hospital nga pagadal-an sang mga nakitaan sang sintomas sang COVID-19, mas mangin madasig nga mahibalu-an kun bala positibo ukon negatibo sa virus ang pasyente.
