Nagakinahanglan sa gihapon nga magpaidalom sa 14 ka adlaw nga quarantine ang mga pasyente nga nag-ayo na sa COVID-19.
Suno kay Department of Health Undersecretary Maria Rosario Vergeire, mahimo lang nga makapauli ang mga ‘suspected’ case kun magnegatibo sila sa COVID-19 testing.
Mahimo naman nga i-discharge sa ospital ang isa ka suspected case kun nag-ayo na ang iya nga kondisyon kaangay nalang sang pagkadula sang ubo kag iban pa nga sintomas.
Para naman sa mga kumpirmado nga kaso, mahimo lang sila makapauli kag makagwa sa ospital sa tion nga mag-ayo ang ila nga kondisyon kag madula na ang sintomas sang nasambit nga virus kag magnegatibo siya sa test gamiton ang RT-PCR kits.
