ILOILO CITY – Ginmanduan sang Department of Health ang tanan nga level 2 kag level 3 nga mga hospital sa Western Visayas nga akomodaron ang mga pasyente nga may Coronavirus Disease 2019 (COVID-19).
Suno kay Dr. Mary Ann Sta. Lucia, pinuno sang Health Promotion Cluster kag spokesperson sang Department of Health 6, nakasaad sa ginpaguwa nga Department Circular 2020-0070 Public Advisory No. 10 sang Department of Health nga ang tanan nga level 2 kag level 3 nga mga public kag private hospital ang nagadakapat nga mag-akomodar sang mga pasyente lakip na ang Persons Under Investigation.
Ginpahayag ni Sta. Lucia nga nagakadapat man nga may yara sang isolation rooms ang mga hospital sa Emergency kag In-Patient Department kag nagakadapat man nga hugton ang pagpatuman sang prevention measures bilang proteksyon sa medical personnel
