Nagpanugyan ang Department of Health sa publiko nga likawan ang pagpangyaguta kag pagpangbastos sa mga pasyente nga nagpositibo sa Coronavirus Disease 2019.
Suno kay Department of Health Undersecretary Maria Rosario Vergeire, posible nga ini pa ang mangin rason nga magpanago nalang kag malagyo ang mga pasyente kag itago ang matuod nila nga kondisyon sa kahangawa nga maka eksperyensya sang diskriminasyon.
Nahibaluan nga una na nga ginduso sang Department of Health sa local government unit ang paghatag sang silot sa mga madakpan nga nagapangyaguta kag nagapangbastos sa mga pasyente kag frontliners ilabi na ang mga health workers.
