ILOILO CITY – Target sang Department of Transportation nga makumpleto ang maintenance sang 18 ka mga airports sa bulan sang Hunyo.
Suno kay Secretary Jaime Bautista, ini ang tapuson sang ahensya antes ang ikaduha nga State of the Nation Address ni President Ferdinand “Bongbong” Marcos Jr.
May yara man sang ginabanta 20 ka mga ports nga tapuson sa Hunyo.
Lakip man sa gina-target nga matapos ang road sector projects nga lakipan sang pagtukod sang mga bike lanes kag dugang nga mga proyekto kaangay lamang sa rail sector.
Gin-report man ni Bautista kay Marcos ang pag-finalize sang nagkalain-lain nga mga contract packages para sa North-South Commuter Railway kag subong man sa Metro Manila Subway.
Ang Metro Manila subway ang may 17 ka mga stations nga naga-connect sang Valenzuela City sa Pasay City kag ginalauman nga magaserbe sa 519,000 ka mga pasahero adlaw-adlaw sa tion nga ini ang mangin operational na.
Gin-report man sang ahensya ang developments sa pagkumpleto sang railway projects nga ginalakipan sang MRT7 nga ginalauman nga makumpleto sa June 2025 kag ang extension sang LRT1.
