ILOILO CITY- Padayon pa nga ginapadalman sang mga otoridad ang motibo sang isa ka lalaki nga nagluthang sa isa ka jeepney driver sa Barangay Guinticgan, Carles, Iloilo.
Ang biktima amo si Antonio Baltar sang Barangay Poblacion sa nasambit nga banwa.
Sa interview sang Bombo Radyo kay Police Major Robert Jayson Pancha, hepe sang Carles Municipal Police Station, nagasakay mismo ang suspek sa jeep nga ginamaneho sang biktima.
Sang yara na ang mga ini sa Barangay Guinticgan, ginpalapitan sang suspek ang driver kag gintiro sa ulo.
Nag-angkon naman sang pilas sa ulo ang biktima nga sa subong padayon pa nga ginabulong sa ospital.
Gilayon naman nga nagpalagyo ang suspek matapos ang krimen.
