ILOILO – Indi aktibo ang diversion oversight committee sang mga kabarangayan sa Western Visayas, rason nga kalabanan ang wala sang bisan 1% allocation sang fund para sa mga kabataan.
Ini ang pahayag ni Catherine Lamprea, social welfare officer sang Department of Social Welfare and Development (DSWD) Region 6.
Santu sa Republic Act 9344 ukon ang Juvenile Justice and Welfare Act, nagakadapat nga tungdan sang oversight committee ang responsibilidad sa budget halin sa IRA ukon Internal Revenue Allocation agud masuportahan ang mga ordinansa kag programa para sa mga kabataan.
Sa interview sang Bombo Radyo kay Lamprea, iya ginpahayag nga sila nga mga opisyal sang DSWD ang aminado nga wala pa nahatagan sang pagtamod sang mga Local Government Units (LGU) ang amo nga layi.
Dapat man suno kay Lamprea nga may programa para sa mga Children in Conflict with the Law (CICL) agud indi ang mga ini magsalig nga wala sila sang salabton sa layi.
Nahibaluan nga ini nga mga pahanumdom sang nasambit nga pamunuan ang kabahin sang pagsaulog sang Juvenile Justice and Welfare Consciousness Week nga may yara sang katuyu-an nga itib-ong kag ipalapnag ang children’s rights.
