ILOILO – Nagdangat na sa P12.7 milyon balor sang bulig nga nga napalab-ot sang Department of Social Welfare and Development sa mga nabiktima sang Bagyong Ursula sa naaminhan nga bahin sang Iloilo, P10.5 milyon diri ang iya sang Department of Social Welfare and Development samtang ang nabilin naman ang nagikan sa mga Local Government Unit sang kada apektado nga banwa.
Sa interview sang Bombo Radyo kay Mae Castillo, tagapamaba sang Department of Social Welfare and Development iya ginpahayag nga lakip sa mga napalab-ot nila nga bulig amo ang mga family food packs, non food items kag cash assistance.
Suno kay Castillo padayon pa sila nga nagakig angot sa Local Government Unit sang kada banwa agud mahibaluan kun ano pa ang bulig nga mahimo mahatag nila sa mga biktima.
Dugang sang natungdan, mas ginahatagan nila sa subong sang igtalupangod ang mga biktima nga yara sa malayo nga lugar nga gilayon nga mahatagan sang anuman nga sahi sang bulig.
Nahibaluan nga sa subong may yara pa sang 1,192 ka mga biktima nga nagapabilin sa 118 ka mga evacuation centers sa bilog nga Western Visayas.
