Nagdugang pa ang mga pulitiko nga naglukso sa political party ni President Ferdinand Marcos, Jr. nga Partido Federal ng Pilipinas (PFP).
Photo: Presidential Communications Office
Lakip diri amo si Department of Interior and Local Government (DILG) Secretary Benjamin Abalos, Jr. kag si Richard Gomez nga representative sang 4th District sang Leyte kag asawa sini nga Lucy Marie Torres-Gomez nga mayor sang Ormoc City.
Masobra 30 ka mga mamalidha kag local officials ang nagtingob kag nagsumpa sa atubang ni Marcos sa Malacañang.
Una na nga ginpahayag sang presidente nga welcome ang tanan nga political parties nga mag-upod sa PFP.
Isa ini sa mga myembro sang UniTeam Alliance ni Marcos kag Vice President Sara Duterte-Carpio. Lakip man sa amo nga alyansa ang Lakas-Christian Muslim Democrats, Hugpong ng Pagbabago, kag Partido ng Masang Pilipino. #
